Տեր Մաղաքիա քահանա Գևորգյան

Տեր Մաղաքիա քահանա Գևորգյան (ավազանի անունը Գևորգ):

Ծնվել է 27․05․1994 թվականին Արագածոտնի մարզի Ոսկեվազ գյուղում։

2001-2012թթ․ սովորել է տեղի՝ Երվանդ Դանիելյանի անվան, միջնակարգ դպրոցում։

2012-2018թթ․ սովորել է Սևանի Վազգենյան դպրանոցում և Գևորգյան ճեմարանում ։

2016թ․ պաշտպանել է բակալավրի ավարտական աշխատանք՝ «Նեոխարիզմատիկական շարժումը և «Կյանքի խոսք»ը Հայաստանում» թեմայով։

2017թ․ Գերաշնորհ Տ․ Մուշեղ եպս․ Բաբայանի ձեռամբ ստացել սարկավագական ձեռնադրություն։

2018թ պաշտպանել է մագիստրոսական թեզ՝ «Աղվանքի և Էջմիածնի կաթողիկոսությունների հարաբերությունները (ԺԷ դար-1815թ․)» թեմայով։

2018թ․ հունիսից մինչև դեկտեմբեր ծառայել է Մայր Աթոռ Սուրբ Էջմիածնի Դիվանատանը։

2018-2020թթ․ դեկտեմբերից ծառայել է Սևանի Վազգենյան հոգևոր դպրանոցում որպես վերակացու։

2020-2021թթ․ ծառայել է Արագածոտնի թեմի առաջնորդարանում որպես գործավար քարտուղար։

2021թ. Ն․Ս․Օ․Տ․Տ Գարեգին Բ Ամենայն Հայոց Կաթողիկոսի օրհնությամբ նոյեմբերի 21-ին, Գերաշնորհ Տ․ Անուշավան եպս․ Ժամկոչյանի ձեռամբ ձեռնադրվել է քահանա և ծառայության կոչվել Արագածոտնի թեմում։

2022թ հունվարից, Արագածոտնի թեմի Առաջնորդ Գերաշնորհ Տ․ Մկրտիչ եպս․ Պռոշյանի տնօրինությամբ ծառայության է նշանակվել Արագածոտնի թեմի՝ Արագածի հովվության հոգևոր հովիվ։

Տեր Մաղաքիա քահանա Գևորգյանը սպասավորում է Արագածի հովվության՝ Արագած, Ափնա,Վարդենուտ, Արայի, Ծաղկաշեն համայնքներում:

Ամուսնացած է, ունի երկու զավակ: